The Valuable Faith: 25. ຕາດໂຊໂຊ່ນ...

ໄຊສຸວັນ ແພງພົງ

(17 ຕຸລາ 1950) ເຄີຍເປັນນັກບິນຂົນສົ່ງ 16 ປີ ຂອງລາວ, ໄດ້ຮັບ”ປະກາໄຊຍະບັດນັກບິນ” ຈາກກອງທັບ ອາກາດສະຫະຣັດອະເມຣິກາໃນສໄມສົງຄາມວຽດນາມ (1970-73). ເຄີຍເປັນ”ນັກບິນຊ່ວຍ”ຂອງເຮືອບິນ ພຣະທີ່ນັ່ງພຣະເຈົ້າສຣີສວ່າງວັທນາໃນສໄມເກົ່າ ແລະເປັນ “ກັບຕັນເຮືອບິນ” ຂອງປະທານປະເທດ ສຸພານຸວົງ ໃນສໄມໃໝ່: ປີ1976-1986 ເປັນຫົວໜ້າກອງບິນ Antonov-24 ຂອງບໍລິສັດແຫ່ງຊາດການບິນລາວທັງຍັງເປັນນັກບິນທົດລອງ, ນັກບິນຄຣູສອນ. ໄຊສຸວັນເປັນກັບຕັນລາວຜູ້ທຳອິດ ທີ່ບິນວຽງຈັນ-ມົສກູ ບິນໄປກັບຫລາຍຖ້ຽວ, ຫລາຍປີ. ເມື່ອອາຍຸ 15 ປີ, ເຂົາເລີ່ມແຕ່ງກອນຕອນຮຽນຢູ່ມັທຍົມຕົ້ນ. ຫລາຍປີຕໍ່ມາບົດກະວີແລະເລື່ອງສັ້ນ ກໍອອກສູ່ສາຍຕາມວນຊົນ. ໂຮມເລື່ອງສັ້ນ-ກະວີຊຸດທຳອິດ”ເຫລົ້າເທວະດາ” ລົງພິມຢູ່ລາວແລະຕໍ່ມາໂຮມ ເລື່ອງສັ້ນຊຸດ “ຄວາຍໂດຍສານ” ພິມຢູ່ໄທ. ”ນົກສິບຝົນ” ນິຍາຍຊີວິດນັກບິນສອງຟ້າ-ສາກນຶ່ງຂອງສົງຄາມອິນດູຈີນ ລົງພິມເປັນເຫລັ້ມຢູ່ລາວແລະພິມໃນວາຣະສານຢູ່ໄທ...ມາພຳນັກຢູ່ໃນສະຫະຣັດອະເມຣິກາ ຕັ້ງແຕ່ປີ 1991, ເຂົາໄດ້ເປັນນັກຂຽນປະຈຳໃຫ້ວາຣະສານ“ສຽງແຄນ” ບ່ອນທີ່ບົດກະວີແລະເລື່ອງສັ້ນຫລາຍບົດ ອອກສູ່ສາຍຕາຊາວລາວຕ່າງແດນ. ປີຕໍ່ໆມາ ບົດກະວີພາສາອະເມຣິກັນ “ຈັນດວງດຽວ” ຖືກຄັດເລືອກໃຫ້ລົງພິມໃນ “America At The Millennium–The Best Poems and Poets of the 20th Century”.

ໄດ້ຮຽບຮຽງນິທານພາສິດຈາກ ”ໜັງສືສຽວສວາດ” ອອກເປັນຊຸດ “ສຽວສວາດ” ຊຶ່ງແຕ່ງເປັນກອນ 45 ບົດ ໂດຍໃຊ້ພາສາລາວ ຍຸກສໄມປັດຈຸບັນ... ເຂົາໄດ້ຮັບຮາງວັນ “Great Poets Across America Award” 2013. ໃນປີດຽວກັນເຂົາກໍໄດ້ຮັບ ”Poetry Gold Medal of Excellence”. ຄັດເລືອກໃຫ້ເປັນນັກກະວີດີເດັ່ນປີ 2015 ແລະ 2016. ຮາງວັນນັກກະວີເດັ່ນຕລອດການປີ 2016.

ເດືອນສິງຫາ 2010 ໄຊສຸວັນ ແພງພົງ ໄດ້ພາບັນດານັກກະວີລາວທົ່ວໂລກສ້າງຕັ້ງ ”ວົງການກະວີນິພົນລາວທົ່ວໂລກ” ຂຶ້ນ. ປັດຈຸບັນເປັນສະມາຊິກຕລອດຊີວິດສຳນັກກະວີ The Famous Poets Society ແລະ The Academy of American Poets.

The Valuable Faith

25. ຕາດໂຊໂຊ່ນ...

>> main website

Visitors